K zien ik iejur bizzih me e nieuw stik toe te voehn. Iejur is nie azowuh te doewun over oe damme wiedre 't nu zehhn; moh ovre de hezehdn die uzze vowurhangers addn. K weetn ik nu wel da da nie vele schilt, mo toh. Ge moe hiedre iejur van da stik owuk nie te vele verwahtn, k moetn ik dowuh owuk e bitje inspiroatje voe en. Me ho wiedre toh nen effort doewun voe te behinnn.
Alliteroatjes zien us owuk nie vrimde. Geluk damme wiedre hezejed in i us stik ovre de klaps de we wiedre en, doemme wiedre olles betre e schoendre. Wuk zehhe hiedre anders iejur van:
Zevn Zottn Zwommn Zevn Zundahn Zondre Zworte Zwembroek. "Ze Zien Ziedre Zekns Zot!" Zei Zworte Zulma, "Zevn Zworte Zundahn Zwem'n Zondre Zworte Zwembroek".
E zeht da nu mo ekih zevn kejurn ahtre mekoar.
of owuk:
Mietje Maaitn's minste meiske makte mutskes me machientuh
Keizer Koarel's Klinste Kindjuh Kakcte Kleine Kromme Keune Kuttletjes
Utwuk anders zien de roadsels va vroehre. Nie geluk t vowurihe, damme wiedre owuk noh antiedn hebrukkn; moeje hiedre jundre iejur e bitje i leevn. Me klappn wiedre iejun nu ovre minstns vihtih joarn geleen. Ovre wuk em me wiedre dadde iejur?
Oldre de Boldre liejup up zoldre me zien bek vul mensche vleejus.
Oj da stiksje tusschen d'oakjes nu e kijuh ahtreste vowurn leest hojt gie weetn [ni tuweov e em efeolk e]
Brigitte Bardots Bloote Borstn Bengeln Boovn Bob Bennies Blootn Buuk
t es te peizne nateurlik, e gedicht da met ol beees begunt, dat de gekendsten BB doar ok etwas moe tusschen kommn.....
Elk zien meuhe, zei de zeuhe,
en z' at stroent.
Woa dat der rwok is, is ter vier, zei den duvel,
en ie ontstak zijn puype (sic!) an nen pêrdestront.
t Hemak komt voe de ere, zei de boerinne,
en ze rjid up eur zwien noa de kerke.
A j' keun veuheln keu j' vliehn, zei te moarte
eh ze smeet de pastre beutn.
Neuj ho j' wa meemoa'ng, zei 'n oonderpastre teehn de messediendre
eh j' oalde zin potje vazzeleen' eut
't Zin de deuvn en de weuvn dien 't held doen skeuvn, zei Laurent
eh je skeufeldeh ahter zin 'n oond in de plehke.
Moaher ehn toai eh hirn ip droai, zei Jean-Luc
eh je hoonk nonnekjir entwoa noar in de Nord
't Eh moa de rwok die deur de skowwe goat, zei Vandenbroucke
eh je stak zin held in brande.
A j' der nietn van kent bleuf 't 'r of ee, zei se
eh ze trok eur bloeze weere rehte
E Peird is e peird zei Jeraar
en ne spande zun wuf vwoo de karre!
't Doel eiligt de middels zei Jef
en ne kuyste de taafl met de vaagbustel!
Up jeen pwoot ku je nie staon zei de Westlandre
en ne dronk twee pintn met ne kjee!
We gaon gaoze geevn zei Henkne
en ne liet e skete dat de ruyten daavrn!
'k En onher liek u peird zei Berten
en ne dei aver in de pap!
't Is stront an 't stoksje zei ze
en ze dei eur bloeze were toe!
Ol draogt e WC ne goudn bril 't is en bluft koet aan de bil!
't Is nie ol aer snien zei mien kwaffeur
en ne zat met zien schaere in mien ohre!
't Is nie gamakklijk van e splètte te leggn zei Stekker
en ne wos zien kletsepleite aan t kammn.
t'es ol hin goud da blinkt zei de hinprumme
e je dei zin mutse van zin ooft
k zien de grotstn in olles zei pedro teegn nico
en e voegde denn doad bie t woord
Min dag zit derup zei de kwaffeur
en e begoste an de Hinprumme
Sjeer je gie joen ol vroeg Nico an Pedro.
Bah jaok zeit n', moe 'ke tjoen wook sjeren misschiens?
k Zien de grotsten van ol zei Nico
en ne lei de bewiezen up taofl!
Beetr een aer up mien bost
dan e bost up mien aer!
Beetr een aer in mien soepe,
dan soepe in mien aer!
Marc
